اویسی نے حیدرآباد کے لیے کچھ نہیں کیا: کانگریسی امیدوار

حلقہ لوک سبھا حیدرآباد سے کانگریسی امیدوار فیروز خان نے وعدہ کیا کہ اگر وہ یہاں سے رکن پارلیمان منتخب ہوتے ہیں تو پرانے شہر حیدرآباد کی ترقی کے لیے ایک ہزار کروڑ سے ترقیاتی کاموں کو انجام دیں گے۔

کانگریس امیدوار نے مجلس اتحاد المسلمین پر تنقید کرتے ہوئے کہا کہ گذشتہ چار دہائیوں سے حیدرآباد نشست پر قبضہ رکھنے والی اس جماعت نے کوئی ترقیاتی کام نہیں کیا۔

فیروزخان نے کہا کہ مجلس کے قائدین نے صرف اشتعال انگیز تقاریر کے سوا کچھ نہیں کیا۔ مذہب اور ذات کو ہوا دیا اور حیدرآباد شہر کو غربت میں ڈھکیل دیا۔

فیروزخان نے الزام لگایا کہ حیدرآباد میں مجلس اور بی جے پی کی میچ فکسنگ ہے۔