نیلوفر ہسپتال کی ٹکنیشین کی کورونا سے موت

متوفی کا شوہر بھی کورونا سے مثبت پایاگیا، اور وہ زیرعلاج ہے۔

حیدرآباد کے بچوں کے مشہور نیلوفر ہسپتال کی ایک 35سالہ ٹکنیشین جو آوٹ سورسنگ پر خدمات انجام دیتی تھی،کوویڈ19سے موت ہوگئی۔وہ گاندھی ہسپتال میں زیرعلاج تھی۔کل شب انھوں نے علاج کے دوران آخری سانس لی۔ان کی شناخت مادھوی لتا کے طورپر کی گئی ہے، جو ہسپتال کے ریڈیالوجی شعبہ میں ٹکنیشین کے طورپر خدمات انجام دیتی تھیں۔انھیں کوویڈ کی علامات کے بعد گاندھی ہسپتال میں داخل کروایا گیا تھا جہاں ان کی حالت تشویشناک ہوگئی۔

ڈاکٹرس نے مریض کو بچانے کی کافی کوششیں کی جو رائیگاں ثابت ہوئی۔متوفی کا شوہر بھی کورونا سے مثبت پایاگیا اور وہ زیرعلاج ہے۔اس واقعے کے بعد سرکاری ہسپتالوں میں خدمات انجام دینے والے ملازمین نے حکومت پر زور دیا کہ وہ ریاستی حکومت کی جانب سے چلائے جانے والے ہسپتالوں میں خدمات انجام دینے والے آوٹ سورسنگ اور کنٹریکٹ ملازمین کے لئے مناسب رہنمایانہ خطوط وضع کرے۔