شہرحیدرآباد کی عثمانیہ یونیورسٹی میں آج ہلکی کشیدگی پھیل گئی کیونکہ طلبا کی دو تنظیموں کے کارکن ایک دوسرے سے متصادم ہوگئے اور پولیس کو بیچ بچاو کرتے ہوئے بعض طلبا کو حراست میں لینا پڑا۔Mild Tension on Osmania University Campus
تفصیلات کے مطابق وزیراعلی کے چندرشیکھرراو کی آج سالگرہ کے سلسلہ میں بہوجن طلباتنظیم کے کارکنوں نے این آرہاسٹل کے قریب ان کا پتلا نذرآتش کرنے کی کوشش کی جس میں حکمران جماعت ٹی آرایس کی طلباتنظیم ٹی آرایس وی کے کارکنوں کی جانب سے رکاوٹ پیدا کی گئی اور اس حرکت کی مذمت کرتے ہوئے انہیں روکنے کی کوشش کی گئی۔
اس موقع پر پولیس کو مشکل صورتحال کا سامنا کرناپڑا۔ٹی آرایس وی کارکنوں نے بہوجن طلبا تنظیم کے کارکنوں کا تعاقب کیا اور ان پر حملہ کی کوشش کی تاہم پولیس نے بیچ بچاو کرتے ہوئے بہوجن تنظیم کے کارکنوں کو حراست میں لے لیا اور ٹی آرایس وی کے کارکنوں کے جذبات کو سرد کیا۔
مزید پڑھیں:Sensation in Osmania University: عثمانیہ یونیورسٹی میں نامعلوم سمادھی پائے جانے سے سنسنی
بہوجن طلبا تنظیم کے کارکنوں نے وزیراعلی کے خلاف نعرے بازی بھی کی۔اس واقعہ کے ویڈیوز سوشیل میڈیا کے مختلف پلیٹ فارمس پر تیزی کے ساتھ وائرل ہوگئے۔
یواین آئی
