ٹی آر ایس کی رکن قانون ساز کونسل و تلنگانہ جاگروتی کی صدر کی کویتا نے شہر حیدرآباد کے تاریخی چارمینار کے دامن میں سنکرانتی تہوار سے قبل منائے جانے والے بھوگی تہوار کی تقاریب میں حصہ لیا۔
انہوں نے اس سالانہ پروگرام کے موقع پر سبھی لوگوں کی خوشحالی اور بہتر صحت کے لیے نیک خواہشات کا اظہار کیا۔ انہوں نے چارمینار کے قریب واقع ایک ہوٹل میں پارٹی رہنماؤں کے ساتھ چائے نوش کی۔ اسی دوران کویتا نے ایک ٹوئیٹ کرتے ہوئے کہا کہ بھوگی کی روشنی سے لوگوں کی زندگیوں میں نئی صبح آئے۔ انہوں نے ٹویٹ میں تمام لوگوں کی خوشحالی اور بہتر صحت کیلئے نیک تمناوں کا اظہار کیا۔
