حیدرآباد: بی ایچ ای ایل تا لکڑی کا پُل میٹرو ریل جلد ہوگی شروع

تلنگانہ کے وزیر فائنانس ہریش راو نے کہا ہے کہ دوسرے مرحلہ میں بی ایچ ای ایل تا لکڑی کا پُل اور رائے دُرگ تا شمس آباد حیدرآباد میٹرو ریل لائن کی تعمیر کی جائے گی۔

ہریش نے آج ریاستی اسمبلی میں اپنی بجٹ تقریر میں کہا کہ حیدرآباد میٹرو لائن نے بڑی میٹرو لائن کے طورپر تاریخ بنائی ہے۔

موجودہ طورپر میٹرو لائن میاں پور تا ایل بی نگر،ناگول تا امیرپیٹ چلائی جارہی ہے۔حال ہی میں جے بی ایس تا ایم جی بی ایس میٹرو ریل کی توسیع کا کام انجام دیا گیا ہے۔ انہوں نے کہاکہ جلد ہی حیدرآباد کے پرانا شہر تک میٹرو لائن کی توسیع کا کام انجام دیا جائے گا۔