مانو کی اسٹوڈنٹس یونین نے کنٹرولر آف امتحانات کو بھی آگاہ کرنے کے لئے لکھا ہے کہ طلباء احتجاج کے طور پر امتحانات کا بائیکاٹ کررہے ہیں۔
طلباء یونین نے امتحان کنٹرولر سے امتحانات ملتوی کرنے کی درخواست بھی کی۔
مانو میں احتجاج
احتجاج کے متعلق سرکل انسپکٹر آر سرینواس نے کہا کہ ’مانو' کے طلبا کیمپس کے احاطے کے اندر احتجاج کر رہے ہیں۔ انہیں باہر آنے کی اجازت نہیں ہے۔ یونیورسٹی میں پولیس کے انتظامات کیے گئے ہیں‘۔
اتوار کے روز قومی دارالحکومت میں جامعہ ملیہ اسلامیہ یونیورسٹی کے باہر شہریت ترمیمی قانون کے خلاف احتجاج کے بعد کم از کم 26 طلباء اور چھ پولیس اہلکار زخمی ہوگئے۔
جامعہ ملیہ اسلامیہ یونیورسٹی کے چیف پراکٹر وسیم احمد خان نے دہلی پولیس کے اہلکاروں کو بغیر اجازت کیمپس کے احاطے میں داخل ہونے اور طلباء کو ہراساں کرنے پر تنقید کی تھی۔
