آندھرا پردیش کے نیلور ضلع کی رہنے والی لڑکی کا خاندان چتری پوری کالونی میں رہتا ہے۔ اسی علاقہ کے رہنے والے چندو نامی شخص کے ساتھ اس کے تعلقات پیدا ہو گئے اور دونوں ساتھ زندگی گزارنے لگے۔
اس لڑکی نے الزام لگایا کہ وہ اس کو نظر انداز کر رہا ہے۔ یہ لڑکی اس نوجوان کے مکان پہنچی، جہاں چندو کو نہ پا کر وہ باچوپلی پولیس اسٹیشن پہنچی اور ہنگامہ آرائی کی۔
اس نے کہا کہ وہ اپنے عاشق کے ساتھ بات کرنا چاہتی ہے۔ پولیس نے اس کو سمجھانے کی کوشش کی، جس میں ان کو ناکامی ہوئی۔
بعد ازاں پولیس کی سی ٹیمس کو وہاں طلب کیا گیا، جنہوں نے اس کی کونسلنگ کی اور بعد ازاں اس لڑکی کو اس کے بھائی کے حوالے کر دیا گیا۔ اس لڑکی نے چندو کے خلاف کسی بھی شکایت سے انکار کر دیا۔
