پولیس روی پرکاش کے خلاف جعلسازی اور دھوکہ دہی کے معاملہ کی جانچ کر رہی ہے۔ پرکاش اے بی سی پی ایل کے بورڈ کی جانب سے قرارداد کی منظوری کے ذریعہ ان کے تمام اختیارات کو منسوخ کرنے کے بعد مستعفی ہونے پر مجبور ہوگئے تھے۔
ستمبر میں پولیس سے کی گئی شکایت میں کمپنی کی نئی انتظامیہ نے الزام لگایا تھا کہ روی پرکاش اور ایم بی ایس مورتی (خزانچی) نے مقررہ طریقہ کار کو اختیار نہ کرتے ہوئے کمپنی کے اکاونٹس سے بھاری رقم نکالی ہے۔
شکایت کے مطابق روی پرکاش نے 6.36کروڑ روپئے کی رقم ستمبر 2018 تا مئی 2019کے درمیان نکالی تھی جبکہ مورتی نے 5.97کروڑ روپئے اسی عرصہ کے دوران نکالے تھے۔
