تلنگانہ حکومت نے سکریٹریٹ کے تعمیر نو کا کام شروع کیا ہے- تعمیر نو میں سکریٹریٹ کی قدیم بلڈنگ کو منہدم کردیا گیا جس میں سکریٹریٹ کے دو مساجد کو شہید کردیا گیا ہے-
اس سلسلے میں مولانا عبدالرحیم خرم جامعی نے مسلم رہنماوں سے اپیل کی جو حکومت کے اعلیٰ عہدوں پر فائز ہیں وہ فوری طور پر اپنے اپنے عہدوں سے استعفی دیں-
ٹی آر ایس حکومت میں عہدے رکھنے والے ملی تنظیموں کے نمائندے جماعت اسلامی کے رکن جانب ملک محتشم ( تلنگانہ وقف بورڈ) یونائیٹڈ مسلم فورم کے مولانا رحیم الدین انصاری (صدرنشین اردو اکیڈمی) تعمیر ملت کے ڈاکٹر محمد متین الدین قادری( پبلک سروس کمیشن)جامعہ نظامیہ کے مولانا سید شاہ اکبر نظام الدین (وقف بورڈ)جمعیت العلماء ہند کے حافظ لئیق الدین نظام آبادی (حج کمیٹی)ان تمام عہدے داروں سے اپیل کی گئی کہ وہ اپنے عہدوں سے استعفیٰ دے کر حکومت پر دباؤ بنائیں اور مساجد کو اسی جگہ دوبارہ تعمیر کرنے کی کوشش کریں-
سینئر صحافی اطہر معین نے بھی حکومتی عہدوں پر فائز مسلم رہنماوں سے اپیل کی کہ اگر مساجد کی مسماری کا ان عہدیداروں کو واقعی رنج ہے تو پھر اللہ کی خوشنودی کے لیے اپنےعہدوں سے استعفی دیں۔
