تلنگانہ: ورنگل میں بی آر ایس اور کانگریس کارکنوں میں جھڑپ

ریاست تلنگانہ کے مختلف علاقوں میں کانگریس اور بی آر ایس، بی آر ایس اور بی جے پی، بی آر ایس اور بی ایس پی کے کارکنوں کے درمیان جھڑپ کے واقعات پیش آچکے ہیں۔ Assembly elections in Telangana on Nov 30

حیدرآباد: تلنگانہ کے ضلع ورنگل میں کانگریس کی تشہیری گاڑی کے ڈرائیور کو ریاست کی حکمران جماعت بی آر ایس کے کارکنوں کی جانب سے روک دینے اور اس کے ساتھ بدکلامی کے واقعہ کے بعد ہلکی کشیدگی پھیل گئی۔ اس واقعہ کے خلاف شدید برہمی کا اظہار کرتے ہوئے کانگریس کے کارکنوں نے احتجاج کیا جس کے نتیجہ میں ہلکی کشیدگی پھیل گئی۔ یہ واقعہ کل شب ورنگل ایسٹ حلقہ میں پیش آیا اور دونوں جماعتوں کے کارکنوں کے درمیان بحث وتکرار ہوگئی۔

تفصیلات کے مطابق کل شب تشہیری گاڑی کی آواز کے معاملہ پر دونوں جماعتوں کے کارکنوں میں بحث وتکرار ہوگئی جس نے دیکھتے ہی دیکھتے جھگڑے کی شکل اختیار کرلی۔ان کارکنوں میں دھکم پیل بھی ہوئی۔کانگریس کے کارکنوں نے الزام لگایا کہ کانگریس کی تشہیری گاڑی کے ڈرائیور کے ساتھ بی آر ایس کے کارکنوں نے بدکلامی کی اور نامناسب رویہ اختیار کیا۔ ان کارکنوں نے بی آر ایس کے کارکنوں کے خلاف کسی بھی قسم کی کارروائی نہ کرنے پر برہمی کا اظہار کیا اور پولیس کے رویہ کی مذمت کی۔