تلنگانہ کے وزیراعلی کے چندرشیکھرراو جو کورونا سے متاثر ہوگئے ہیں کی عاجلانہ صحت یابی کے لئے کئی اہم شخصیات نے نیک تمناوں کا اظہار کیا ہے۔
ان اہم شخصیات جن میں سابق مرکزی وزیر وتلگوفلموں کے مشہور اداکار چرنجیوی،تلگو اداکارمہیش بابو اور دوسرے شامل ہیں نے ٹوئیٹ کرتے ہوئے وزیراعلی کی جلد صحت یابی کے لئے نیک تمناوں کا اظہار کیا۔
چرنجیوی نے ٹوئیٹ کرتے ہوئے کہا کہ وہ خدا سے دعاکرتے ہیں کہ کے چندرشیکھر راو جلد صحت یاب ہوجائیں۔اداکار مہیش بابو نے بھی اسی طرح کا ٹوئیٹ کیا۔
تلگودیشم پارٹی کے قومی صدر این چندرابابونائیڈو،تلنگانہ بی جے پی کے صدر بنڈی سنجے اور دیگر سیاستدانوں نے بھی ٹوئیٹس کرتے ہوئے وزیراعلی کی عاجلانہ صحت یابی کے لئے نیک تمناوں کااظہار کیا۔
قبل ازیں گزشتہ روز وزیراعلی کے فرزند و ریاستی وزیر تارک راما راو نے ٹوئیٹ کرتے ہوئے اطلاع دی تھی کہ ان کے والد کورونا سے متاثر ہوگئے ہیں۔انہوں نے ان کی جلد صحت یابی کے لئے دعاوں کی خواہش کی تھی۔
