بنڈی سنجے کی پدیاترا۔ تلنگانہ بی جے پی کے لیڈروں کا اجلاس

تلنگانہ بی جے پی کے صدر و رکن پارلیمنٹ بنڈی سنجے کی پدیاترا کے سلسلہ میں پارٹی کے لیڈروں کا اہم اجلاس پارٹی ہیڈکوارٹرس پر منعقد کیا گیا جس میں اس مجوزہ پدیاترا کے اہم امور پر تبادلہ خیال کیا گیا۔

اس اجلاس میں جی وویک، وجئے شانتی، ڈی کے ارونا، سوامی گوڑ اور دیگر نے شرکت کی۔ اس اجلاس میں پدیاتر کو کامیاب بنانے کے لئے اختیار کی جانے والی حکمت عملی کے سلسلہ میں تفصیلی تبادلہ خیال کیاگیا۔ ساتھ ہی مختلف کمیٹیوں کی تشکیل کے مسئلہ پر بھی بات چیت کی گئی۔ پدیاترا کا روٹ میاپ، پدیاترا والے اسمبلی حلقوں، اضلاع کی کمیٹیوں کی تشکیل اور انچارجس کے مسئلہ پر بھی بات چیت کی گئی۔