تمل ناڈو: زہریلی گیس سے دم گھٹنے سے تین کی موت

پولیس کے مطابق مسٹر وینکٹ کیٹرنگ سروس کمپنی کے سیپٹک ٹینک کی صفائی کے دوران یہ حادثہ پیش آیا۔

تمل ناڈو کے کانچی پورم ضلع کے کترامبکم گاؤں میں اتوار کو ایک سیپٹک ٹینک کی صفائی کے دوران زہریلی گیس کے رساؤ کی وجہ سے دم گھٹنے سے تین مزدوروں کی موت ہوگئی۔

پولیس نے بتایا 'مرنے والوں کی شناخت مروگن (41)، بھاگیہ راج (40) اور اروموگم (45) کے طورپر ہوئی ہے'۔

پولیس کے مطابق مسٹر وینکٹ کیٹرنگ سروس کمپنی کے سیپٹک ٹینک کی صفائی کے دوران یہ حادثہ پیش آیا۔ حادثہ کی اطلاع ملتے ہی پولیس اور فائربریگیڈ کے اہلکار موقع پر پہنچ گئے۔

تینوں لاشوں کو پوسٹ مارٹم کےلئے شری پیرمبدور سرکاری اسپتال بھیج دیا گیا ہے۔ سومنگلم تھانہ میں اس سلسلے میں ایک معاملہ درج کیا گیا ہے۔ پولیس معاملے کی تفتیش کر رہی ہے۔