ریاست تمل ناڈو کے کڈلور ضلع میں اتوار کے روز ایک دردناک حادثہ Kedilam Incident پیش آیا ہے۔ دراصل کیڈیلم دریا میں غرقاب ہونے سے سات لڑکیوں کی موت Seven Drown In Kedilam River ہوگئی ہے۔ سات لڑکیوں کے ڈوب جانے کی خبر ملتے ہی علاقہ میں سنسنی پھیل گئی ہے۔ کڈلور ضلع کے اے کوچی پالائم میں یہ حادثہ پیش آیا۔
پولیس نے بتایا کہ اے کوچی پالائم کی کچھ خواتین کا ایک گروپ کیڈیلم ندی میں نہا رہا تھا۔ دریا میں پانی کا بہاؤ تیزی سے بڑھ گیا، جس کی وجہ سے جن خواتین کو تیرنا نہیں آتا تھا، وہ ڈوب گئے۔ مرنے والوں کی شناخت نونیتا (19)، سموتھا (16)، پریا (17)، مونیکا (15)، سنگیتا (17)، پریہ درشنی (14) اور کاویہ (12) کے طور پر کی گئی ہے۔ انہوں نے کہا کہ معاملے کی مزید تحقیقات کی جا رہی ہے۔ Seven Drown In Kedilam River
یہ بھی پڑھیں: Kralpora Incident: کرالپورہ میں غرقاب ہونے سے دو لڑکوں کی موت
