سرینگر: جموں وکشمیر کی گرمائی راجدھانی سری نگر کے راوتھ پورہ باغات میں اہلیہ نے مبینہ طورپر اپنے شوہر کا قتل کیا ۔ پولیس نے فوری کارروائی کرکے ملزمہ کو حراست میں لے کر قتل کا مقدمہ درج کیا ہے۔ اطلاعات کے مطابق راوتھ پورہ باغات میں ہفتے کی شام کو اس وقت سنسنی کا ماحول پھیل گیا جب ایک شخص کا مبینہ قتل کیا گیا ۔ اہل خانہ نے الزام لگایا کہ عبدالرشید ڈار کا اپنی اہلیہ کے ساتھ پچھلے تین سالوں سے گھریلو جھگڑا چل رہا تھا۔ انہوں نے بتایا کہ عبدالرشید ڈار کو اس کی اہلیہ اور دو بیٹیاں روزانہ زد کوپ کرتے تھے اور اس بات کی علمیت پورے علاقے کو ہے ۔ ان کے مطابق عبدالرشید ڈار کا قتل کرنے کے بعد اس کی اہلیہ اور دو بیٹیاں گرفتاری سے بچنے کے لئے روپوش ہو گئی ہیں اور ان کا کئی پر اتہ پتہ نہیں ۔
یہ بھی پڑھیں: Shot Dead in Anantnag اننت ناگ میں ادھمپور سے تعلق رکھنے والے شخص کا قتل
اس واقعے کے خلاف مقامی لوگوں میں سخت ناراضگی پائی جارہی ہیں اور ملوثین کے خلاف سخت کارروائی عمل میں لانے کا مطالبہ کر رہے ہیں۔ دریں اثنا پولیس نے ٹویٹ کے ذریعے جانکاری دیتے ہوئے بتایا کہ ملزمہ شاہینہ زوجہ عبدالرشید ساکن راوتھ پورہ باغات کو اپنے شوہر کے قتل کے الزام میں گرفتار کیا گیا ہے۔ پولیس کے مطابق ملزمہ کے خلاف ایف آئی آر زیر نمبر 54/23زیر دفعہ 302آئی پی سی کے تحت کیس درج کرکے مزید تحقیقات شروع کی گئی ۔ انہوں نے بتایا کہ ابتدا ئی طورپر ایسا لگتا ہے کہ جرم غصے میں کیا گیا ہے تاہم تحقیقات کا دائرہ وسیع کیا گیا ہے۔
یو این آئی
