نئی دہلی: مرکزی وزیر نتن گڈکری اور جموں و کشمیر کے لیفٹیننٹ گورنر منوج سنہا نے بدھ کے روز جموں و کشمیر میں جاری قومی شاہراہوں کے منصوبوں کا جائزہ لیا۔میٹنگ میں جموں و کشمیر میں قومی شاہراہوں کی تعمیر و ترقی کے بارے میں تفصیلی بات چیت کی گئی۔Review meeting National highways JK
میٹنگ میں ضلع کٹرہ کے لیے انٹر ماڈل اسٹیشن کے ڈیزائن کو حتمی شکل دی گئی۔ اس پورجیکٹ کے بنے سے ماتا ویشنو دیوی پر آنے والے زائرین کے سفر میں آسانی ہوگی۔میٹنگ میں نیشنل ہائی ویز اتھارٹی آف انڈیا اور نیشنل ہائی ویز انفراسٹرکچر ڈیولپمنٹ کارپوریشن لمیٹڈ کی جانب سے جاری منصوبوں کا بھی جائزہ لیا گیا ۔میٹنگ میں قومی شاہراہوں کے تعمیر میں پیش آنے والے مختلف مسائل کو حل کرنے کے لیے اقدامات اٹھائے گئے۔
میٹنگ میں موسم سرما میں سیاحتی مقام سونہ مرگ کو کھلا رکھنے کے مختلف اقدامات کا جائزہ لیا گیا۔اس کے علاوہ خصوصی شاہراہوں پر گاڑیوں کی نقل و حمل پر نیگرانی کے لیے سی سی ٹی وی کیمری نصب کرنے کا جائزہ لیا گیا۔میٹنگ میں این ایچ آئی ڈی سی ایل کی جانب سے امرناتھ یاترا شاہراہوں کی جانب سے جاری کاموں کو بنا کسی خلل کو مکمل کرنے کی ہدایت دی گئی۔
مزید پڑھیں: India will become a 5 trillion economy بھارت پارنچ ٹریلین ڈالر کی معیشت بننے کی راہ پر، گڈکری
اس موقع پرلیفٹیننٹ گورنر منوج سنہا نے کہا کہ جموں و کشمیر انتظامیہ اور مرکزی سرکار جموں و کشمیر میں بنیادی ڈھانچے کی ترقی کو اولین ترجیح دے رہی ہے اور جاری منصوبوں کی بروقت تکمیل کے لیے مختلف اقدامات اٹھا رہی ہیں۔میٹنگ میں مرکزی وزیر مملکت جنرل (ریٹائرڈ) وی کے سنگھ،مرکزی وزیر مملکت جتیندر سنگھ اور مرکزی اور یو ٹی کے افسران بھی موجود تھے۔
