سرینگر: ایس ایس بی اہلکار کی پر اسرار گمشدگی

پولیس کے مطابق سدرہ بل علاقے میں تعینات ایس ایس بی کے اہلکار جیتندر جی ڈی جمعرات سے گمشدہ ہے۔

جموں وکشمیر کے دارلحکومت سرینگر کے سدرہ بل علاقے میں تعینات نیم فوجی کمپ سے ایک سیما سرکشا بل (ایس ایس بی) اہلکار جمعرات سے پر اسرار طور سے گمشدہ ہے، جس کے متعلق پولیس نے رپورٹ درج کی ہے۔

پولیس کے مطابق سدرہ بل علاقے میں تعینات ایس ایس بی کے اہلکار جیتندر جی ڈی جمعرات سے گمشدہ ہے۔ پولیس کا کہنا ہے کہ جیتندر کا تعلق ریاست اتر پردیش سے ہے۔

پولیس کا کہنا ہے کہ اس معاملے کے متعلق لال بازار پولیس تھانے میں رپورٹ درج کی گئی ہے اور نوجوان کو تلاش کرنے کی کاروائی کی جا رہی ہے۔