سرینگر: عسکریت پسندوں کے حملے میں پولیس اہلکار، راہگیر زخمی

سرینگر کے خانیار علاقے میں نا معلوم عسکریت پسندوں کے حملے میں ایک پولیس اہلکار سمیت دو افراد زخمی ہو گئے۔

سرینگر کے خانيار علاقے میں منگل کی سہ پہر نا معلوم عسکریت پسندوں نے حفاظتی اہلکاروں پر حملہ کیا جس کے نتیجے میں پولیس اہلکار اور ایک راہگیر زخمی ہو گئے۔

پولیس بیان کے مطابق ’’خانیار میں واقع شیراز سنیما کے نزدیک عسکریت پسندوں نے گولیاں چلائیں، جس کے نتیجے میں پولیس اہلکار اور ایک عام شہری زخمی ہوئے ہو گئے۔‘‘

زخمی ہوئے دونوں افراد کو فوری طور اسپتال پہنچا گیا۔

حفاظتی اہلکاروں نے علاقے کو محاصرے میں لیکر حملہ آوروں کی تلاش شروع کر دی ہے۔