کووڈ-19 کے بڑھتے کیسز کے باوجود تفریحی باغات کھلے

جموں و کشمیر میں کورونا وائرس سے 145 افراد فوت ہوئے ہیں- نو ہزار افراد اس وائرس سے متاثر پائے گئے ہیں-

جموں و کشمیر میں کورونا وائرس کی وجہ سے آئے روز مصدقہ کیسز اور اموات میں بتدریج اضافہ ہو رہا ہے لیکن لیفٹیننٹ گورنر انتظامیہ نے بدھ سے تفیرحی باغات کھول دیے ہیں-

سرینگر کے مشہور جھیل ڈل کے کنارے واقع تاریخی مغل باغات میں لوگوں کا آنا جانا شروع ہو چکا ہے- مقامی جوان، بچے اور بوڑھے ان باغات میں نظر آئے۔ لوگ انتظامیہ کے فیصلے سے پر مسرت دکھ رہے تھے-

لوگوں کا کہنا تھا کہ وہ کورونا وائرس سے بچنے کے لیے احتیاطی تدابیر پر عمل پیرا ہو کر ان باغات کی سیر کرنے کے لئے آئے ہیں-

ان کا کہنا تھا کہ اگرچہ آنے والے دنوں میں باغات میں لوگوں کی بھیڑ بھاڑ بھی رہی گی، لیکن ان کو امید ہے کہ وائرس کا پھیلاؤ بھی کم ہوگا-

ان باغات کے انتظامیہ کا کہنا ہے کہ کووڈ-19 کے پھیلاؤ کو روکنے کے لیے انہوں نے آنے والے سیاحوں کو احتیاطی تدابیر پر عمل کروانے کے لیے عملہ تعینات کیا ہے اور اشتہار بھی شائع کئے ہیں-