محبوبہ مفتی نظر بند نہیں: کشمیر پولیس

کشمیر زون پولیس نے سابق وزیراعلیٰ محبوبہ مفتی کے ان الزامات کو مسترد کیا ہے جس میں انہوں نے دعویٰ کیا تھا کہ انہیں گھر سے باہر جانے کی اجازت نہیں دی جا رہی ہے۔

کشمیر زون پولیس نے ٹویٹ میں لکھا: 'پی ڈی پی صدر اور سابق وزیر اعلیٰ محبوبہ مفتی نظربند نہیں ہیں۔ ان کی سلامتی کے خاطر ان سے التماس کیا گیا تھا کہ وہ پلوامہ کا دورہ منسوخ کریں۔ یہ فیصلہ خالصتاً سیکیورٹی کی بنیاد پر لیا گیا تھا۔'

بشکریہ ٹویٹر

واضح رہے اس سے قبل محبوبہ مفتی نے کہا تھا کہ انہیں گھر سے باہر جانے کی اجازت نہیں دی جا رہی ہے۔

انہوں نے نے ٹویٹ میں کہا تھا کہ 'انہیں پھر سے غیر قانونی طریقے سے گھر میں نطربند کیا گیا ہے۔'انہوں نے کہا کہ وہ پی ڈی پی یوتھ ونگ صدر وحید پرا کے ضلع پلوامہ کے نایرہ گاؤں میں واقع رہایش گاہ پر ان کے اہل خانہ سے ملنے کے لیے جارہی تھیں لیکن جموں و کشمیر انتظامیہ نے انہیں جانے سے روک دیا ہے۔'