نئی قومی تعلیمی پالیسی کو جموں وکشمیر میں عملانے اور طلبا تک اس پالیسی کو پہنچانے کے لئے اتوار کے روز سرینگر کے ایس کے آئی سی سی میں جموں وکشمیر کے لیفٹیننٹ گورنر منوج سنہا کی صدارت میں ایک تقریب منعقد ہوئی۔ تقریب میں صدر جمہوریہ رام ناتھ کووند نے ویڈیو کانفرنسنگ کے ذریعے شرکت کی۔
نئی قومی تعلیمی پالیسی پر ایس کے آئی سی سی میں تقریب اس موقعے پر صدریہ جمہوریہ رام ناتھ کووند نے کہا کہ واضح کی گئی نئی قومی تعلیمی پالیسی شعبہ تعلیم کی بہتری کے لئے ایک صحیح قدم ہے۔ انہوں نے کہا کہ جموں وکشمیر کے نوجوانوں میں صلاحیت اور قابلیت کی کوئی کمی نہیں۔ تاہم نئی تعلیمی پالیسی یہاں کے طلبہ وطالبات کی صلاحیت سازی میں مزید نکھار پیدا کر سکتی ہے۔وہیں جموں وکشمیر کے ایل جی منوج سنہا نے نئی قومی تعلیمی پالیسی کی تعریفیں کرتے ہوئے کہا کہ مرکزی سرکار کی جانب سے پیش کی گئی اس پالیسی سے یہاں کے تعلیمی نظام میں بہتری آئی گئی۔ تاہم انہوں نے اساتذہ پر زور دیا کہ وہ اسے طلبہ تک پہچانے میں اپنی پہل شروع کریں تاکہ آگے جاکے اس کے مثبت اور کارگر نتائج سامنے آئے۔انہوں نے مزید کہا کہ نئی تشکیل شدہ قومی تعلیمی پالیسی طلبا کے بہتر مستقبل کی ضمانت ہے اور اس میں جدید دور کے تمام تقاضوں کا خاص خیال رکھا گیا۔ ایل جی منوج سنہا نے انتطامیہ بلخصوص تعلیمی شعبے پر زور دیا کہ وہ اس نئی تعلیمی پالیسی کو عملانے کے لئے ہر سطح پر اقدامات اٹھائے۔اس موقعے تعلیمی شعبہ سے وابستہ اعلیٰ افسران نے اس نئی پالیسی پر روشنی ڈالی۔تقریب میں جموں وکشمیر ایل جی کے مشیر، دیگر شعبہ جات کے انتظامی سیکرٹریوں، تعلیمی شعبے کے اعلیٰ افسران کے علاوہ لوگوں کی خاصی تعداد نے بھی شرکت کی۔
