کشمیری ٹیچرقومی ایوارڈ حاصل کریں گی

صدررام ناتھ کووند ہفتے کے روز یوم اساتذہ کے موقع پر ملک کے چنندہ 47 اساتذہ کو قومی ایوارڈ سے نوازیں گے، ان میں سرینگر کے مضافاتی علاقے گلاب باغ سے تعلق رکھنے والی استانی روحی سلطانہ بھی شامل ہیں ۔

روحی سلطانہ کو یہ انعام وزارت تعلیم کی جانب سے اس سال درس وتدریس میں تخلیقی اور جدید انداز کا مظاہر کرنے پر دیا جائیگا۔ تیل بل کے کاشی مڈل اسکول کی استانی روحی نے خواندگی اور اسکول میں بچوں کی تعداد میں اضافہ کے لیے درس وتدریس کے جدید اور کم لاگت کےطریقوں کو استعمال میں لایا ہے۔

کورونا وائرس کی وبائی بیماری کے پیش نظر یہ انعامات صدر ہند رام ناتھ کووند کے ہاتھوں نامزد کیے گئے ملک کے مخلتف ریاستوں اور یوٹیز سے تعلق رکھنے والے 47اساتذہ کو ورچول موڑ کے زریعے اس سال دئیے جارہے ہیں۔

وہیں یہ قومی ایوارڈ ہر سال وزارت تعیلم کی جانب سے اساتذہ کی ان کی غیر معمولی اور باصلاحیت کاوشوں کے اعتراف اور حوصلے کے لئے دیا جاتا ہے۔

جبکہ یہ قومی ایوارڈ برائے اساتذہ ملک کے بہترین اساتذہ کی انوکھی اور بہترین کارکردگی کے اعزاز میں پیش کئے جاتے ہیں جنہوں نے اپنی وابستگی اور عمل کے زریعہ نہ صرف اسکولی تعلیم کے معیار کو بہتر بنایا ہوتا ہے بلکہ طلبہ میں بھی تعلیم تربیت کے لحاظ سے جلا بخشی ہوتی ہے۔

قابل ذکر ہے یوم اساتذہ محقق،فلسفی اور ملک کے سابق صدر سروپلی رادھاکرشنن کی یوم پیدائش کے موقعے پر ہر سال 5ستمر کو منایا جاتا ہے۔

کشمیری استانی کو بھی قومی ایوارڈ سے نوازا جائے گا

بتا دیں کہ صدر رام ناتھ کووند نے یوم اساتذہ کی ما قبل شام قومی تعمیر میں اساتذہ کے کردار پر روشنی ڈالتے ہوئے انھیں مبارکباد بھی دی۔انہوں نے اپنے پیغام میں کہا، 'ہر سال سابق صدر ڈاکٹر سروپلی رادھا کرشنن جیسے عظیم استاذ کی جینتی کے موقع پر ان کی یاد میں ’یوم اساتذہ‘ پورے ملک میں منایا جاتا ہے۔ میں کل ایوارڈ سے نوازے جانے والے اساتذہ کو مبارکباد اور نیک خواہشات پیش کرتا ہوں‘۔انہوں نے صدر کووند نےکہا کہ استاذ محض تعلیم دینے والا شخص نہیں ہے بلکہ وہ آپ کا اخلاقی محافظ بھی ہے اور طلبا کے اندر اقدار پیدا کرتا ہے۔