Bakery Food Processing Machinery Exhibition: کشمیر میں اپنی نوعیت کے پہلے بیکری، فوڈ اینڈ ہاسپیلٹی ایکسپو کا انعقاد

سرینگر میں پہلی بار تین روز تک جاری رہنے والے بیکری، فوڈ اینڈ ہاسپیلٹی ایکسپو کا افتتاح صوبائی کمشنر کشمیر پی کے پولے نے کیا۔ نمائش کے پہلے روز جہاں بیکری اور فوڈ پروسیسنگ سے وابستہ بڑے صنعت کار موجود تھے. وہیں کے سی سی آئی اور دیگر تجارتی انجمنوں کے عہدیداران نے بھی اس میں شرکت کی۔ Bakery Food Processing Machinery Exhibition

سرینگر: سرینگر میں اپنی نوعیت کی پہلے بیکری ،فوڈ اینڈ ہاسپیٹلیٹی ایکسپو کا انعقاد کیا گیا۔ اس تین روزہ تجارتی نمائش میں بیکری، کنفیکشنری اور فوڈ پروسیسنگ مشنری بنانے والی ملک کی نامور کمپنیاں شرکت کررہی ہیں جب کہ ایکسپو میں کنفیکشنری اور بیکری بنانے کے استعمال میں لائی جانے والی جدید اور اعلی مشینوں کے تقریبا 50 الگ الگ اسٹال لگائیں گئے ہیں۔Bakery Food Processing Machinery Exhibition in Srinagar

تین روز تک جاری رہنے والے اس بیکری، فوڈ اینڈ ہاسپیلٹی ایکسپو کا افتتاح صوبائی کمشنر پی کے پولے نے کیا۔ نمائش کے پہلے روز جہاں بیکری اور فوڈ پروسیسنگ سے وابستہ بڑے صنعت کار موجود تھے۔ وہیں کے سی سی آئی اور دیگر تجارتی انجمنوں کے عہدیداران نے بھی اس میں شرکت کی۔Div Comm Kashmir PK Pole

اس موقع پر صوبائی کمشنر نے منتظمین کی ستائش کرتے ہوئے کہا کہ اس نوعیت کی نمائش کافی اہمیت کی حامل ہے، کیونکہ کشمیر میں بیکری اور فوڈ پروسیسنگ کا کاروباری بڑے پیمانے پر ہو رہا ہے۔ ایسے میں جدید مشینری کو استعمال میں لاکر اس صنعت کو مزید فروغ دیا جا سکتا ہے۔ایکسپو میں اعلی معیار کی مشنیں رکھی گئی ہیں جو کہ نہ صرف ماحول دوست ہیں، بلکہ ان سے کم وقت میں زیادہ زیادہ کنفیکشنری اور بیکری کے آٹمز بنائے جاسکتے ہیں۔ وہیں یہاں ایسی بھی چھوٹی مشنیں نمائش کے لیے رکھی گئی ہیں جو کہ گھریلو سطح پر بھی کیک، پیسٹری اور دیگر آئٹمز بنانے کے لیے استمعال میں لائی جاسکتی ہیں۔ بیکرز اینڈ کنفیکشنری ایسوسی ایشن کے صدر عمر مختار نے کہا کہ اس نمائش کے ذریعے وابستہ افراد براہ راست کمپنی سے رابطہ قائم کر کے اپنی ضرورت کے مطابق مشینیں خرید سکتے ہیں اور روایت سے ہٹ کر اعلی قسم کی مشینوں کو بروئے کار لاکر اپنے کاروبار کو مزید وسعت دے سکتے ہیں۔ Omar Mukhtar President Bakers and Confectionery Association

گذشتہ چند برسوں کے دوران وادی کشمیر میں بیکری کا کاروباری نہ صرف چھوٹے بلکہ بڑے پیمانے پر کیا جارہا ہے، وہیں اس کاروبار میں دلچسپی رکھنے والے نئے انٹرپرنیوز بھی سامنے آرہے ہیں۔ ایسے میں اس طرح کی نمائش سے وہ بھی نئی ٹیکنالوجی کے بارے میں جانکاری حاصل کر کے بھر پور فائدہ اٹھا سکتے ہیں۔ منتظمین کے مطابق اس ایکسپو کا انعقاد اگرچہ چند برس پہلے عمل میں لایا جانا تھا لیکن کووڈ کی وجہ سے یہ ممکن نہیں ہوپایا تھا۔Bakery Business in Kashmir