تھاجواس گلیشیر سے دو نوجوانوں کو کیا گیا ریسکیو
سرینگر (جموں و کشمیر) : وادی کشمیر میں سونہ مرگ کے تھاجواس گلیشئر سے انڈین ائر فورس نے دو نوجوانوں کو ریسکیو کیا جو وہاں ٹریکنگ کے دوران بے ہوش پائے گئے تھے۔ کشمیر میں فوج کے 15ہویں کور کے ترجمان کے مطابق وادی کشمیر سے تعلق رکھنے والے دو نوجوانوں - جن کی شناخت فیصل وانی اور ذیشان مشتاق کے طور پر ہوئی ہے - کو گلیشئر پر فوج نے زخمی اور بے ہوشی کی حالت میں دیکھا تھا۔
فوج نے کہا کہ نوجوانوں کو زمینی راستے سے لانا مشکل تھا کیونکہ تھاجواس گلیشیر پر کافی برف جمع ہوتی ہے۔ تاہم فوج نے سرینگر میں تعینات انڈین ائر فورس سے رابطہ کیا اور ایک ہیلی کاپٹر سے ریسکیو ٹیم کی گزارش کی۔ ترجمان نے بتایا کہ ائر فورس نے فوج کی گزارش پر بروقت عمل کیا اور سرینگر سے تھاجواس تک ہیلی کاپٹر روانہ کیا جہاں ان دونوں نوجوانوں کو ریسکیو کیا گیا۔
