سرینگر: گہری دھند برقرار، معمولات زندگی متاثر

سرینگر میں گذشتہ کئی دنوں سے مسلسل دھند چھائی ہوئی ہے جس کی وجہ سے سردی میں بھی مزید اضافہ ہوا ہے۔

مرکزی زیر انتظام جموں و کشمیر کے سرینگر میں جہاں موسم سرما کی آمد سے سردی کی لہر میں شدید اضافہ ہوا ہے، وہیں علاقے کے مختلف حصوں میں مسلسل پانچ دنوں سے دھند چھائی ہوئی ہے۔

محکمہ موسمیات نے پہلے ہی سرینگر میں دھند بڑھنے کی پیش گوئی کی تھی جس کی وجہ سے سردی میں بھی مزید اضافہ ہوا ہے۔

محکمہ موسمیات کے اسٹنٹ ڈاریکٹر محمد حسین میر کے مطابق سڑکوں پر دھول رہنے کی وجہ سے دھند ہے۔

واضح رہے کہ دھند کا اثر گاڑیوں کی رفتار پر بھی پڑا ہے اور اکثر گاڑیوں کو صبح کے وقت کچھوے کی رفتار سے چلتے ہوئے دیکھا گیا۔