برڈ فلو کے خدشات کے پیش نظر جموں و کشمیر حکومت نے جمعرات کے روز پڑوسی ریاستوں سے پولٹری کی درآمد پر پابندی عائد کردی۔
جموں و کشمیر میں برڈ فلو کے معاملوں کی روک تھام کے لئے حکومت نے جموں و کشمیر میں بیرون ریاستوں سے پولٹری کی درآمد پر پابندی عائد کی ہے۔ یہ اعلان جموں و کشمیر کی ہمسایہ ریاستوں میں برڈ فلو کے پھیلاؤ کے تناظر میں کیا گیا ہے۔
حکومت نے جموں و کشمیر میں پولٹری سمیت زندہ پرندوں کی درآمد پر مکمل پابندی عائد کردی ہے۔ یہ پابندی 14 جنوری تک نافذ العمل رہے گی۔
حکومت کے پرنسپل سکریٹری نوین کے چودھری کی جانب سے جاری حکم نامے میں مزید کہا گیا کہ 'اس حالات کے مطابق اس فیصلے پر نظرثانی کی جائے گی۔'
یہ بھی پڑھیں: ادھم پور: مشتبہ حالت میں 153 کوؤں کی موت
واضح رہے ملک کی کئی ریاستوں میں برڈ فلو کی دستک کے درمیان ادھم پور میں کوؤں کی مشتہ حالت میں موت نے متعلقہ افسران کے کان کھڑے کر دیے ہیں۔
