سرینگر: وادی کشمیر کے خواجہ سراؤں پر مبنی فلم " ٹرنس کشمیر " کا پریمیئر کشش ممبئی انٹرنیشنل کوئیر فلم فیسٹیول میں ہوا۔'ٹرانس کشمیر' فلم میں کئی خوجہ سرا شامل ہیں جن میں مشہور گلوکار خواجہ سرا ریشما بھی شامل ہیں۔ اکمل حنان اور سوربھی دیوان کی ہدایت کاری میں بنی فلم میں، وادی کشمیر کے خواجہ سراؤں کی زندگی کی عکس بندی کی گئی۔Trans Gender Film of Kashmir
اکمل حنان کا کہنا ہے کہ "ممبئی انٹرنیشنل کوئیر فلم فیسٹیول میں فلم کے پرائمیر میں زبردست ردعمل ملا۔ فلم میں ہم نے کشمیر کی خواجہ سراؤں (ٹرانس جینڈر) کی مشکلات، خوبصورت لمحات اور بنیادی انسانی حقوق کے لیے ان کی بڑھتی ہوئی تحریک کو دکھانے کی کوشش کی۔"
اس فلم میں شبنم، نثار، سمرن اور سلطان بھی نظر آرہے ہیں۔ سونزل ویلفیئر ٹرسٹ کے بانی اور ایل جی بی ٹی کیو کارکن اعزاز احمد بند کو بھی فلم میں دکھایا گیا ہے۔
حنان کا کہنا ہے کہ" ہم فلم کے ہر ایک کردار کا شکریہ ادا کرتے ہیں۔ ہم ان کے مہربان ہیں کیوں کہ انہوں نے ہم پر اپنی کہانیوں کے حوالے سے بھروسہ کیا، اور سب سے بڑھ کر گذشتہ تین برسوں سے ہمارے ساتھ کھڑے رہے۔"
یہ بھی پڑھیں:
