سرکاری ذرائع نے بتایا کہ سرینگر سے تعلق رکھنے والے ایک ڈاکٹر کی اننت ناگ قصبے میں اپنے ہی کلنک میں دل کا دورہ پڑنے سے موت واقع ہوگئی۔
انہوں نے بتایا کہ اگرچہ مذکورہ ڈاکٹر کو نزدیکی ہسپتال منتقل کیا گیا لیکن ڈاکٹروں نے ان کو مردہ قرار دیا۔
متوفی ڈاکٹر کی شناخت عاشق حسین کے بطور ہوئی ہے۔ ان کا تعلق سرینگر کے لال بازار سے ہے۔
دریں اثنا چیف میڈیکل افسر اننت ناگ ڈاکٹر مختار احمد شاہ نے واقعے کی تصدیق کرتے ہوئے کہا کہ ڈاکٹر کی حرکت قلب بند ہونے سے موت واقع ہوئی ہے۔
بتادیں کہ وادی میں حرکت قلب بند ہونے سے اموات میں ہو رہے اضافے کے باعث لوگوں میں تشویش پائی جا رہی ہے۔
