اطلاعات کے مطابق علی محمد ساگر کے ہم زلف سراج کاوا کا کا آج صبح انتقال ہو گیا ہے۔
سراج کاوا کا تعلق سرینگر کے ڈاؤن ٹاؤن علاقے سے تھا اور ان کی اپنے آبائی علاقے میں آخری رسومات ادا کر کے انہیں دفن کیا گیا۔ گرچہ علی محمد ساگر کو نماز جنازے میں شرکت کرنے کی اجازت دی گئی تاہم اس دوران سکیورٹی کو مزید چوکس کر دیا گیا تھا۔
نماز جنازہ کی ادائیگی کے بعد علی محمد ساگر کو دوبارہ سے ایم ایل اے ہاسٹل میں نظر بند کر دیا گیا۔
واضح رہے کہ مرکزی حکومت کی جانب سے 5 اگست کو جموں و کشمیر کو حاصل خصوصی حیثیت کے خاتمے کے ساتھ ہی سینکڑوں ہند نواز سیاسی رہنماؤں کو حراست میں لیا گیا، جن میں علی محمد ساگر بھی شامل ہیں۔
