سرینگر: سپریم کورٹ کی جانب سے دفعہ 370 اور 35 اے کی منسوخی پر حتمی مہر لگانے پر جموں کشمیر کی اپوزیشن سیاسی جماعتوں نے اگرچہ مایوسی کا اظہار کیا، تاہم کچھ سیاسی جماعتیں بشمول اپنی پارٹی اور سابق ایم ایل اے نے کہا کہ وہ جموں کشمیر کا ریاستی درجہ کی بحالی اور انتخابات کے انعقاد کا خیر مقدم کرتے ہیں۔
اپنی پارٹی کے ترجمان منتظر محی الدین نے کہ اپنی پارٹی سپریم کورٹ کے فیصلے کی خوش آمدید کرتے ہیں، تاہم مرکزی سرکار کو یہاں اسمبلی انتخابات منعقد کرنے چاہئے اور ریاستی درجہ کی بحالی کرنی چاپئے۔
انہوں نے کہا کہ مرکزی سرکار کو جموں کشمیر میں مارچ میں ہی انتخابات منعقد کرانے چاہئے جبکہ ریاستی درجہ کی بحالی جلد از جلد کرنی چاہئے۔
وہیں سابق وزیر اور پی ڈی ایف کے صدر حکیم یاسین نے بھی عدالت عظمی کی طرف سے ریاست کی بحالی اور اسمبلی انتخابات کے انعقاد کے احکامات کا خیر مقدم کیا۔
غور طلب ہے کہ عدالت نے مرکزی سرکار کے پانچ اگست سنہ 2019 کو دفعہ 370 کی منسوخی کی فیصلے کو برقرار رکھتے ہوئے کہا کہ یہ آئینی حیثیت عارضی تھی۔انہوں نے مرکزی سرکار کو جموں کشمیر کا ریاستی درجہ بحال کرنے اور یہاں ستمبر 2024 تک اسمبلی انتخابات منعقد کرنے کی ہدایت دی۔
مزید پڑھیں:
- دفعہ 370 پر سپریم کورٹ کا فیصلہ، کشمیری رہنماؤں کا رد عمل
- دفعہ 370 کی تنسیخ پر سپریم کورٹ کی مہر تصدیق
جموں کشمیر کی اپوزیشن سیاسی جماعتوں بشمول نیشنل کانفرنس، پی ڈی پی اور پیپلز کانفرنس نے سپریم کوٹ کے فیصلے پر مایوسی کا اظہار کرتے ہوئے کہا کہ وہ سیاسی جد و جہد جاری رکھیں گے۔
