ایڈیشنل سیشنز جج نے سنٹرل جیل سرینگر کے ناظم کو ایک مکتوب لکھا ہے جس میں یہ ہدایت دی گئی ہے کہ کسی بھی قیدی کے رشتہ دار کو ملاقات سے منع نہیں کیا جائے۔
انہوں نے لکھا ہے کہ کووڈ 19 کے پھیلاؤ کو روکنے کیلئے پہلے ہی ایک کمیٹی نے جیلوں میں قیدیوں اور ان سے ملاقات کے لئے آنے والے رشتہ داروں کے لیے قواعد و ضوابط تشکیل دے رکھے ہیں جس کی عمل آوری سے ملاقات میں کوئی مضائقہ نہیں۔
انہوں نے مزید لکھا ہے کہ متعدد قیدیوں کے رشتہ داروں نے انکی عدالت میں ملاقات کے لئے عرضیاں داخل کی ہیں جو غیر ضروری ہیں۔
یہ ہدایت ناظم جیل کے علاوہ تمام ضلعی جیلوں کے حکام کو بھی ارسال کی گئی ہے۔
