جموں و کشمیر کے سابق وزیر اعلی اور پیپلز ڈیموکریٹک پارٹی کی صدر محبوبہ مفتی نے آج دعویٰ کیا ہے کہ شوپیان میں لوگوں کو ووٹ ڈالنے کی اجازت نہیں دی جا رہی ہے۔ جموں و کشمیر میں پہلی بار منعقد کئے جارہے ڈسٹرکٹ ڈیولپمنٹ کونسل کے انتخابات کا پانچواں مرحلہ صبح سات بجے سے جاری ہے۔
سماجی رابطہ کی ویب سائٹ ٹویٹر پر اپنا ردعمل ظاہر کرتے ہوئے محبوبہ مفتی کا کہنا تھا کہ 'سکیورٹی فورسز نے شوپیاں ضلع کے متربوگ علاقے کو محاصرے میں لے لیا ہے اور وہاں کے لوگوں کو ووٹ ڈالنے نہیں دیا جارہا۔'
ان کا کہنا ہے کہ علاقے میں عسکریت پسند موجود ہیں۔ اسی لیے یہ اقدامات اٹھائے گئے ہیں۔
ان کا مزید کہنا تھا کہ 'یہ کارروائی ایک مقصود پارٹی کو فائدہ پہنچانے کے لیے کی جا رہی ہے۔'
