کورونا وائرس کے پھیلنے کے خدشات کے پیش نظر پولیس اور ضلع انتظامیہ کی جانب سے وادی کشمیر کے سبھی اضلاع میں اعلانات کے ذریعے لوگوں سے تلقین کی جارہی ہے کہ وہ اپنے گھروں سے باہر نہ نکلے اور غیر ضروری بھیڈ کرنے سے بھی اجتناب کریں۔
تجارتی مراکز اور دکانوں کو بھی بند رکھنے کے احکامات صادر کیے ہیں۔ حکومتی ہدایات کے باوجود جنوبی کشمیر کے شوپیان ضلع میں متعدد مقامات پر شہریوں نے دکانیں کھولی تھی جس پر ضلعی انتظامیہ کی ٹیم جس کی صدارت تحصیل دار زینہ پورہ فدا محمد بٹ کر رہےتھے نے کارروائی کی اور 25 دکانوں کو سیل کر دیا۔
تحصیل دار فدا محمد بٹ نے ای ٹی وی بھارت کو بتانا کہ ہم بار بار لوگوں کو گھروں کے اندر رہنے کے لیے کہ رہے ہیں اور تاجروں، دکانداروں پر زور دیتے رہے ہیں کہ وہ اپنے کاروبار کو کورونا وائرس کے پھیلاؤ کو روکنے کے لئے بند کریں۔ تاہم حکومتی حکم کی خلاف ورزی کرنے والے آٹھ گاؤں جن میں وچی،میلہورہ، اگلر، سفہنگری، زینہ پورہ، بابہپورہ، ریبن اور ریشی پورہ شامل ہیں۔ 25 دکانوں کو دفعہ 144 کی خلاف ورزی کرتے ہوئے پایا گیا جنہیں سیل کر دیا گیا۔
