بجلی کے کھمبھے درست نہ ہونے سے مقامی ناراض

مقامی لوگوں نے بتایا کہ ایک تو علاقہ راجگڑھ کے کمیت میں بجلی کی غیر علانیہ کٹوتی سے عوام پریشان ہے اور اس کے ساتھ ہی محکمہ کی جانب سے بجلی کے کھمبے سبز درخت سے بنائے گئے ہیں۔

ضلع رامبن کے دوردراز علاقہ راجگڑھ کمیت پنچائت کے لوگ ضلع انتظامیہ اور محکمہ پی ڈی ڈی سے ناراض ہیں۔ ان کی ناراضگی اس بات کو لے کر ہے کہ بجلی کی ترسیلی لائینیں سبز درختوں سے لٹکی ہوئی ہیں۔

گاؤں کی مشکلات کے بارے میں مقامی لوگوں نے بتایا کہ ایک تو علاقہ راجگڑھ کے کمیت میں بجلی کی غیر علانیہ کٹوتی سے عوام پریشان ہے اور اس کے ساتھ ہی محکمہ پی ڈی ڈی کی طرف سے بجلی کے کھمبے سبز درخت کے بنائے گئے ہیں۔ وہاں سے ہی علاقہ کو روشنی فراہم کرنے والی ترسیلی لائنیں لٹکی ہوئی ہیں، جو کسی بھی وقت بڑے نقصان کی وجہ بن سکتی ہے۔

ایک مقامی نے بتایا کہ اگرچہ محکمہ نے کئی جگہوں پر کھمبے نصب کیے ہیں لیکن وہاں غیر معیاری مواد استعمال میں لایا گیا ہے۔ گزشتہ دو برسوں سے محکمہ نے مزدوروں کی اُجرت نہیں ادا کی ہے۔ علاقہ میں برقی رو کبھی کبھار ہی علاقہ کو روشن کرتی ہے۔ لیکن بد قسمتی سے صارفین سے دو گنا کرایہ وصول کیا جاتا ہے۔ جس وجہ سے غریب عوام میں محکمہ کے تئیں کافی ناراضگی پائی جا رہی ہے۔ مقامی لوگوں نے بتایا کہ اگر محکمہ کی طرف سے علاقہ میں تارپول نصب نہ کیے گئے تو لوگوں کو مجبوراً سڑکوں پر اُترنا پڑے گا۔