سرینگر انکاؤنٹر: عامر ماگرے عسکریت پسند نہیں تھا، خاندان کا دعویٰ

جموں و کشمیر میں سرینگر کے حیدرپورہ انکاؤںٹر کے دوران ہلاک ہوئے ضلع رامبن کے عامر ماگرے کے والد عبدالطیف نے کہا کہ ان کا بیٹا مزدوری کرنے کے لئے حیدرپورہ گیا تھا، وہ ملی ٹینٹ نہیں تھا، اس ہلاک کردیا گیا ہے، لاش گھر والوں کے سپرد کیا جائے۔

رامبن: وادی کشمیر کے حیدر پورہ میں ہوئے انکاؤنٹر کے دوران ہلاک ہوئے تین عام شہریوں میں سے ایک کا تعلق پہاڑی ضلع رام بن کے پسماندہ علاقہ گول سے ہے۔ جس کی شناخت عامر ماگرے ولد عبدالطیف ملک کے طورپر ہوئی ہے۔ اہل خانہ نے بتایا کہ ان کا بیٹا ملی ٹینٹ نہیں بلکہ ایک مزدور تھا، جو اپنے پیٹ کی آگ بجھانے کیلئے وادی کشمیر میں گزشتہ ایک برس سے محنت مزدوری کر رہا تھا۔

اہل خانہ کو بیٹے کی ہلاکت کی خبر موصول ہوتے ہی علاقہ میں صف ماتم بچھ گیا جبکہ اہل خانہ کے ساتھ ساتھ رشتہ داروں نے بھی احتجاج کیا۔ عامر ماگرے کی بہن نے بتایا کہ گزشتہ ایک ماہ سے’’ میرا شوہر گھر آیا ہے اور میرا بھائی وادی میں ہی اکیلا رہ رہا تھا، روزانہ اْن سے بات ہوتی تھی لیکن نامعلوم وجوہات کی بنا پر ہمارے بھائی کو ملی ٹینٹ کا لیبل لگا کر قتل کیا گیا‘‘۔

مزید پڑھی: Srinagar Gunfight: بٹ اور گل کے اہل خانہ کا انصاف اور لاش کا مطالبہ