ضلع رام بن کے چمبہ علاقے میں سڑک حادثے کے دوان کمسن لڑکی کی موت کے بعد علاقے میں کہرام مچ گیا۔ پولیس ذرائع کے مطابق ایک ایس یو وی گاڑی زیر رجسٹریشن نمبر JK19-1858 ضلع رام بان کے نیرہ - کنوت رابطہ سڑک پر چمبہ کے مقام پر پیچھے کی جانب (Reverse) جا رہی تھی جس نے ایک مقامی کمسن لڑکی کو ٹکر ماری جس کے نتیجے میں وہ ہلاک ہو گئی۔
حادثے میں کمسن لڑکی کے فوت ہونے کی خبر کے بعد علاقے میں کہرام مچ گیا۔ مقامی باشندوں کی کثیر تعداد حادثے کے مقام پر جمع ہو گئی۔ پولیس نے لاش کو پوسٹ مارٹم کی غرض سے ضلع اسپتال منتقل کیا اور اس سلسلہ میں ایک مقدمہ درج کرلیا۔ ڈرائیور کو بھی حراست میں لے لیا گیا۔
مزید پڑھیں: ڈوڈہ سڑک حادثہ، نوجوان فوت
حادثے میں فوت ہونے والی کمسن لڑکی کی شناخت چمبہ کی رہنے والی سومن دیوی دختر رنجیت سنگھ کے طور پر ہوئی ہے۔
یہ بھی پڑھیںـ: رامسو میں تعمیراتی کمپنی کے خلاف احتجاج
پولیس نے طبی و قانونی لوازمات کے بعد میت کو آخری رسومات کے لیے لواحقین کے سپرد کر دیا۔
