جموں سرینگر قومی شاہراہ ٹریفک کی نقل و حرکت کے لیے بند ہو گئی ہے۔ ٹریفک زرائع کے مطابق رامبن ضلع میں مسلسل بارش کی وجہ سے آج صبح رامبن اور بانہال سیکٹر کے ترشول موڑ، ڈیگڈول اور خونینالہ کے مقام پر بھاری چٹانیں اور مٹی کے تودے گر آنے سے شاہراہ پر آمد و رفت بند ہو گئی ہے۔
قومی شاہ راہ پر مٹی کے تودے اور چٹانیں گرنے سے وادی کو ملک کے دیگر حصوں سے جوڑنے والا واحد راستہ جموں۔سرینگر قومی شاہراہ بند ہو گیا ہے۔ کئی مقامات پر مسلسل چٹانیں گرنے اور پہاڑ کھسکنے کے واقعات رونما ہوئے۔ شاہراہ کے دونو اطراف ہزاروں مال بدرار و مسافر بردار گاڑیاں صبح سات بجے سے درماندہ ہو کر رہ گی ہیں۔
یہ بھی پڑھیں: ڈی سی رامبن نے بانہال- قاضی گنڈ ٹنل کے کام کاج کا جائزہ لیا
شاہراہ کو قابل آمد و رفت بنانے کے لئے کوششیں جاری ہیں۔ جس کے لئے ہائوے انتظامیہ کی جانب سے عملہ اور مشینریوں کو کام پر لگایا گیا ہے۔ تاہم مسلسل بارش اور پہاڑ کھسکنے کے واقعات سے رکاوٹیں حائل ہو رہی ہیں۔
تعمیری کمپنی کے اینجینیئرروں نے بتایا کہ شاہراہ کو بحال کرنے میں قریب چار گھنٹے درکار ہیں۔ شاہراہ کو آمد و رفت کے لئے بحال کر کے درماندہ گاڑیوں کو اپنے منزل کی طرف روانہ کر دیا جائے گا۔
