جمعرات کے روز ضلع دوسا کے مہندی پور بالاجی میں ایک شخص نے اپنی اہلیہ کو مار ڈالا اور پولیس کو کال کر کے خود اس کی اطلاع دی۔ پولیس کے آتے ہی ملزم نے بھاگنے کی کوشش کی لیکن بالاجی پولیس نے ملزم کو پکڑ لیا۔ وہیں پولیس اس کیس کی چھان بین میں مصروف ہے۔
بتایا جارہا ہے کہ نوئیڈا کا رہائشی نرمل سنگھ پچھلے 4 ماہ سے مہندی پور بالاجی کے نارائن دھرم شالا میں اپنی اہلیہ کے ساتھ مقیم تھا۔ شوہر اور بیوی دونوں میں کسی چیز کو لے کر جھگڑا ہو گیا۔ جس کے بعد نرمل سنگھ نے اپنی اہلیہ رولی کا رومال سے گلا دبا کر قتل کردیا۔
ایڈیشنل سپرنٹنڈنٹ پولیس انل چوہان نے بتایا کہ رولی سنگھ کا شوہر نرمل سنگھ عرف پنٹو جو سیکٹر 53 نوئیڈا کی رہائشی ہے، گذشتہ تین چار مہینوں سے مہندی پور بالاجی کے بجرنگ دھرم شالا کے کمرے 19 میں مقیم تھا۔ جمعرات کے روز دونوں میں کسی چیز پر بحث کے بعد تنازعہ بڑھ گیا۔ جس کے بعد نرمل سنگھ نے اپنی بیوی کا رومال سے گلا گھونٹ کر قتل کر دیا۔ قتل کے بعد پولیس کو واقعے سے آگاہ کیا۔
فارنسک ٹیم نے کیس سے متعلق شواہد اکٹھے کیے ہیں اور پولیس اس معاملے کی تحقیقات کر رہی ہے۔ نیز مرنے والی خاتون کی گردن پر نشانات بھی ملے ہیں۔ فی الحال ملزم شوہر سے پوچھ گچھ کی جارہی ہے۔
