ریاست کے وزیراعلیٰ اشوک گہلوت کی صدارت میں آج جے پور میں منعقد کورونا کی موجودہ صورتِحال اور ویکسینیشن کی جائزہ میٹنگ میں یہ ہدایت دی گئی جس کے فوری بعد حکومت کی جانب سے احکامات جاری کر دئے گئے ہیں۔
خبر کے مطابق میٹنگ میں کورونا کے سلسلے میں اضلاع کا ایکشن پلان بنانے اور باضابطہ مانیٹرنگ کے ساتھ کورونا پازیٹیو ریٹ، شرح اموات، گروتھ ریٹ کا باضابطہ جائزہ لینے اور تمام کلکٹرس کو کانٹریکٹ ٹریسنگ اور مائیکرو کنٹینمینٹ زون بنانے پر زور دئے جانے کی ہدایت دی گئی ہے۔ اس دوران کورونا ٹیکہ کاری کی رفتار مزید بڑھا دیے جانے کی ہدایت بھی دی گئی۔
اس موقع پر مسٹر گہلوت نے کہا کہ نو ماسک، نو انٹری پر سختی سے عمل درآمد یقینی بنایا جائے۔ عوام کی زندگی بچانا ہماری پہلی ترجیح ہے۔ آج کی صورتحال میں بڑھتے ہوئے وائرس کو دیکھتے ہوئے ہم کسی بھی قیمت پر کوئی معاہدہ نہیں کریں گے۔ انہوں نے یقین دہانی کروائی کہ اس سلسلہ میں ضروری فیصلے کیے جائیں گے۔
