ادے پور: ریاست راجستھان کے ادے پور ضلع کے ٹی ڈی تھانہ علاقے میں پولیس نے گجرات میں اسمگلنگ کی جا رہی تقریباً دس لاکھ روپے کی ہریانہ ساخت کی شراب برآمد کر کے ایک نابالغ سمیت دو لوگوں کو گرفتار کر لیا ہے۔ پولیس کے مطابق ٹی ڈی ایس ایچ او کملیندر سنگھ کی قیادت میں کل رات قومی شاہراہ پر ناکہ بندی کے دوران آنے والی پک اپ گاڑی کو روک کر اس کی تلاشی لی گئی۔ Liquor smuggling in Gujarat
تلاشی کے دوران گاڑی میں پیاز کی بوریوں کے نیچے چھپائی گئی مختلف برانڈ کی شراب کے 99 کارٹون برآمد ہوئے۔ پولیس نے بتایا کہ اس شراب کی بازاری قیمت تقریباً دس لاکھ روپے بتائی جاتی ہے۔ پولیس نے اس معاملے میں ٹرک ڈرائیور اور ایک نابالغ کو گرفتار کر لیا ہے۔
یہ بھی پڑھیں: Liquor Seized in Vaishali ویشالی میں غیر ملکی شراب کے ساتھ دو افراد گرفتار
یو این آئی
