اس معاملے کی اطلاع ملنے کے بعد کالاڈیرا پولیس موقع پر پہنچ گئی، تاہم پولیس نے شدید زخمی شخص کو ہسپتال بھیج دیا، جہاں ڈاکٹرز نے اسے مردہ قرار دے دیا۔
پولیس نے مرنے واکے کی لاش کو سرکاری ہسپتال کے پوسٹ پارٹم گھر میں رکھا ہوا ہے۔
واضح رہے کہ پولیس نے ملزم بھائی کی تلاش بھی شروع کردی ہے، کالاڈیرا تھانہ انچارج دھرم سنگھ نے بتایا کہ یہ دونوں بھائی شراب نوشی کے عادی ہیں اور اتوار کی رات ان کے گھر پر دونوں بھائی شراب میں شرابور تھے، اور اسی حالت میں ایک دوسرے کے ساتھ لڑنے لگے، بڑے بھائی نے چھوٹے بھائی پر پائپ سے حملہ کردیا، حملے میں چھوٹے بھائی کی موت ہوگئی۔
خیال رہے کہ متوفی کی شناخت سشی رنجن کے طور پر کی گئی ہے، جبکہ ملزم چیتن پرکاش واقعے کے بعد موقع سے فرار ہوگیا، تاہم پولیس ملزم کی تلاش میں ہے۔
واضح رہے کہ دونوں بھائیوں کا تعلق بہار کے ضلع مظفر پور سے بتایا جارہا ہے، جو مزدور کی حیثیت سے کالاڈیرا میں کام کرتے تھے، دونوں بھائی کالاڈیرا میں ایک فرنیچر کی فیکٹری میں کام کرتے ہیں۔
بتایا جاتا ہے کہ دونوں بھائی شراب نوشی کا عادی تھے، وہ جو روز گھر میں لڑتے رہتے تھے، ایسے ہی گذشتہ رات بھی دونوں بھائیوں نے شرابپی کر ایک دوسرے کو زدوکوب کیا، لڑائی کے دوران ایک بھائی کی موت ہوگئی تاہم فی الحال اس معاملے کی تفتیش کی جارہی ہے۔
