اجمیر: ایس ڈی ایم اور اس کے بیٹے کے خلاف شکایت

راجستھان کے ضلع اجمیرمیں ایس ڈی ایم اوراس کے بیٹے پر گھر میں گھس کر خواتین کے ساتھ زیادتی کرنے اور ان کی توہین کرنے کا الزام لگایا گیا ہے۔

اجمیرکے فائساگر علاقے کی خواتین نے بھنور لال ایس ڈی ایم رپنگڈھ اور اس کے بیٹے ہرشیل کے خلاف احتجاج کیا اور پولیس سپرنٹنڈنٹ سے دونوں ملزمان کی گرفتار کرنے کا مطالبہ کیا۔

فائساگر علاقے کی خاتون نے میڈیا کو بتایا کہ 4 جون کو ایس ڈی ایم بھنور لال اور اس کا بیٹا ہرشیل نے پرانی دشمنی کی وجہ سے ان کے گھر میں داخل ہو کر ان سے بدسلوکی کی انہیں مارا پیٹا اور ڈرا دھمکایا۔
متاثرین کے مطابق جب ایس ڈی ایم کی شکایت درج کرنے کے لئے گنج پولیس اسٹیشن پہنچی تو پولیس نے مقدمہ درج نہیں کیا ۔

پورے معاملے کی سی سی ٹی وی ریکارڈنگ عدالت میں پیش کی گئی ۔تب خلاف مقدمہ درج کرنے کے احکامات جاری کردیئے گئے۔ اس واقعہ کو پیش آئے ایک مہینہ ہو گیا ہے۔

اب تک پولیس نے کسی ملزم کو گرفتار نہیں کیا۔ یہی وجہ ہے کہ متاثرہ افراد اپنی شکایت لےکر اجمیر پولیس ایس پی دفتر پہنچے تھے۔