ترال نانر کی آبادی دیہی ترقی محکمے سے نالاں

مقامی گوردوارہ کمیٹی کے سربراہ نرمل سنگھ نے ای ٹی وی بھارت کو بتایا کہ پارک کے لیے منظور رقومات میں محض دس ہزار روپے صرف کیے گئے ہیں اور اسکے بعد کچھ نہیں کیا گیا ہے۔

دور دراز دیہات میں جامع تعمیر وترقی کے لیے اگرچہ دیہی ترقی محکمے کے پاس کہنے کو تو بہت سی اسکیمیں ہیں لیکن زمینی سطح پر صورتحال انتہائی خراب ہے۔ جنوبی کشمیر کے ترال علاقے میں واقع نانر گاؤں میں محکمہ دیہی ترقی نے مقامی گردوارے کی پارک کی تعمیر وتجدید کے لیے پچاس ہزار روپے واگزار تو کیے لیکن زمینی سطح پر ان رقومات کو منصفانہ طریقے سے استعمال میں نہیں لایا گیا ہے جسکی وجہ سے مقامی آبادی دیہی ترقی محکمے کے خلاف سخت نالاں نظر آ رہی ہے۔

مقامی گوردوارہ کمیٹی کے سربراہ نرمل سنگھ نے ای ٹی وی بھارت کو بتایا کہ پارک کے لیے منظور رقومات میں محض دس ہزار روپے صرف کیے گئے ہیں اور اسکے بعد کچھ نہیں کیا گیا ہے۔جبکہ گوردوارہ کمیٹی کے خزانچی کرشن سنگھ نے بتایا کہ پارک کی تعمیر وتجدید کے لیے کمیٹی نے کافی جدوجہد کی اور دیہی ترقی محکمے سے رابطہ کر کے پچاس ہزار روپے واگزار کرائے لیکن نہ جانے محکمے نے کام کو ادھورا کیوں چھوڈا!مقامی لوگوں کی فریاد ہے کہ گوردوارہ کی پارک کے لیے کام کو فوری طور پر شروع کیا جائے۔