ترال: جموں و کشمیر کے ضلع پلوامہ کے بلاک ترال میں کستوربا گاندھی بالیکا ودیالیہ اسکیم کے تحت کارمولہ بٹ نور میں تعمیر کی گئی عمارت مکمل ہونے کے باوجود بھی محکمہ تعلیم کو وقف نہیں کی جارہی ہے جس کی وجہ سے نہ صرف یہاں زیر تعلیم طالبات پریشانیوں میں مبتلاء ہیں بلکہ ان کے والدین میں بھی تشویش پائی جارہی ہے ۔ People Demand to Make KGBV Building
مقامی لوگوں کے مطابق کارمولہ میں بنائی گئی کے جی وی بی کی اس بلڈنگ پر کام سنہ 2005 سے چل رہا ہے اور اب تک دیوار بندی کا کام ادھورا ہونے سے زیر تعلیم طالبات کو ترال میں ایک پرائیویٹ بلڈنگ میں تعلیم دی جارہی ہے لیکن اس سے طلباء کی تعداد میں کمی واقع ہورہ ہے اور دوسری جانب محکمہ کو موٹی رقومات ادا کرنی پڑ رہی ہے۔ KGBV Building
مقامی شہری گلزار احمد نے ای ٹی وی بھارت کو بتایا کہ بلڈنگ تیار ہونے کے باوجود اسکول کو یہاں شفٹ نہیں کیا جا رہا ہے اور نہ ہی اس بارے ميں انتظامیہ سنجیدگی کا مظاہرہ کر رہی ہے حالانکہ کئی بار متعلقہ حکام کو اس ضمن میں آگاہ کیا گیا لیکن اس کا کوئی اثر نہیں ہوا۔اس دوران ڈی ڈی سی ممبر ترال ڈاکٹر ہربخش سنگھ نے بتایا کہ کے جی وی بی اسکول کارمولہ کو فعال بنانے کے لیے وہ محکمہ تعلیم کے اعلی عہدیداروں سے بات کریں گے ۔ People Demand to Make KGBV Building
واضح رہے کہ کستوربا گاندھی بالیکا ودیالیہ کے نام سے غریب بچیوں کے لیے اسکول چلایا جاتا ہے۔ اس اسکول میں غریب بچیوں کے لیے پڑھنے لکھنے کے ساتھ ساتھ رہنے کا بھی انتظام ہوتا ہے۔ اسکول میں بچیوں کے لیے کھانا پینا مہیا کرایا جاتا ہے۔
یہ بھی پڑھیں: پلوامہ: بارہ برس بعد بھی اسکول کی عمارت نامکمل
