کورونا وائرس کی دوسری لہر میں اضافے کے پیش نظر قصبہ پانپور میں آج تحصیل انتظامیہ اور پانپور نے ایس او پیز کی خلاف ورزی کرنے والوں کے خلاف ایک مشترکہ مہم چلاٸی جس کے تحت دکانداروں اور ٹرانسپورٹروں سے 12ہزار جرمانہ وصول کیا گیا ہے جبکہ خلاف ورزی کرنے کی پاداش میں ساتھ دکانیں سربمہر کی گئی ہیں۔
مہم کا مقصد بازاروں میں لوگوں کے ہجوم کو کم کرنا ہے تاکہ کورونا وائرس مہلک بیماری کی چین کو توڑا جا سکے۔
تحصیلدار پانپور اشتیاق محی الدین نے کہا کہ کورونا ایس او پیز کی خلاف ورزی کسی بھی صورت پر برداشت نہیں کی جاۓ گی۔
انہوں نے کہا کہ خلاف ورزی کے مرتکب افراد کے خلاف سخت کارروائی عمل میں لائی جائے گی۔
خیال رہے کہ ملک کے ساتھ ساتھ وادی میں کورونا کی دوسری لہر کی شدت میں دن بہ دن اضافہ ہوتا جا رہا ہے اور گزشتہ 24 گھنٹوں کے دوران تقریباً 30 افراد وبا کے باعث زندگی کی بازی ہار گئے جو باعث تشویش ہے۔
تحصیلدار پانپور نے لوگوں سے انتباہ کیا ہے کہ وہ ایس او پیز پر عمل کریں تاکہ اس بیماری پو قابو پایا جا سکے۔
