پونچھ ضلع کے منڈی تحصیل کے لورن بلاک علاقے کے ایک گاؤں سلطان پٹھری میں پونچھ ضلع کی ایس او جی پارٹی، لورن پولیس پارٹی اور بھارتیہ فوج کے 5/8 جی آر پٹالین کے جوانوں نے اتوار کے روز مشترکہ سرچ آپریشن چلایا۔
دن بھر کے سرچ آپریشن کے دوران مشترکہ ٹیم نے ایک پرانے غار میں عسکریت پسندوں کے ٹھکانے کو تباہ کر کے دو آئی ای ڈی دھماکہ خیز اشیا، دو ہینڈ گرینیڈ اور کچھ دیگر دھماکہ خیز اشیا کو بر آمد کر اسے تباہ کیا ہے۔
پولیس کے ایک سینئر عہدیدار نے بتایا کہ اسلحے کی حالت کو دیکھتے ہوئے اندازہ لگایا جاسکتا ہے کہ کچھ سال قبل جب ضلع میں عسکریت پسندی عروج پر تھی، اس وقت عسکریت پسندوں نے ان دھماکہ خیز اشیا کو یہاں پر چھپا کر رکھا تھا۔ یہ پرانے ہوکر خراب ہو چکے تھے لہذا موقع پر ہی اسے تباہ کر دیا گیا۔
