ضلع پونچھ کی تحصیل منڈی بازار سے لیکر ساوجیاں تک بچھائی گئی تارکول چند ماہ میں ہی اکھڑ گئی ہے۔ اس سلسلے میں منڈی کی عوام نے انتظامیہ سے انکوائری کی مانگ کی ہے۔
اس حوالے سے عبد الاحد بٹ نے افسوس کا اظہار کیا اور کہا کہ نومبر 2020 اور جنوری 2021 کے درمیان سڑک سے تارکول اکھڑ گئی، جس کے بعد سڑک میں بڑے بڑے کھڈے پڑ گئے ہیں۔ سڑک کی خستہ حالی کی وجہ سے عوام کو بہت مشکلات کا سامنا ہے'۔
وہیں محمد اکرم لون نے اس حوالے سے کہا 'حکومت کے خزانوں سے کروڑوں کی رقم خرد برد کی جاتی ہے۔ اور موجودہ حکومت میں رشوت خوری عروج پر ہے'۔
یہ بھی پڑھیے
'جموں و کشمیر میں 4 جی انٹرنیٹ بحال ہو رہا ہے'
انہوں نے ضلع ترقیاتی کمشنر پونچھ اور لیفٹیننٹ گورنر سے اپیل کی کہ جلد از جلد اس تارکول کی ناقص حالت پر انکوائری کمیٹی بٹھائی جائے اور منڈی بازار سے لیکر ساوجیاں تک دوبارہ تارکول بچھائیں۔
