Odisha MLA Car Ramped into Crowd: بی جے ڈی سے معطل ایم ایل اے کی گاڑی نے بھیڑ کو ٹکر ماری، کئی لوگ زخمی

اڈیشہ کےکھوردھا ضلع میں چلیکا میں بی جے ڈی کے معطل ایم ایل اے پرشانت جگدیو Suspended BJD MLA Prashant Jagdev کی گاڑی سے مبینہ طور پر کچلے جانے سے سات پولیس اہلکاروں سمیت کم از کم 11 افراد زخمی ہو گئے۔ پولیس نے بتایا کہ چلکا کے ایم ایل اے جگدیو بھی اس واقعہ میں شدید زخمی ہو گئے۔

ہفتہ کو اڈیشہ کے کھوردھا ضلع میں چلیکا کے معطل ایم ایل اے پرشانتا کمار جگدیو پر Suspended BJD MLA Prashant Jagdev کچھ لوگوں نے حملہ کیا، جس میں وہ شدید زخمی ہوگئے۔ یہ واقعہ اس وقت پیش آیا جب بی جے ڈی کے معطل لیڈر پرشانت نے مبینہ طور پر اپنی گاڑی بھیڑ پر چڑھا دی۔ جس سے کئی لوگ زخمی ہو گئے۔ مقامی لوگوں کے مطابق جگدیو کی گاڑی کی ٹکر سے دو پولیس اہلکاروں سمیت 11 سے زائد افراد زخمی ہو گئے۔ اس کے بعد چیئرمین کے انتخاب کو لے کر مشتعل لوگوں نے جگ دیو کی گاڑی کی توڑ پھوڑ شروع کر دی۔

ایم ایل اے جگ دیو چیئرمین کے انتخاب کے لیے بانپور بلاک آ رہے تھے۔ دفتر کے سامنے کافی ہجوم تھا۔ الزام ہے کہ جگدیو نے مبینہ طور پر اپنی گاڑی بھیڑ پر چڑھا دی، جس میں ایک خاتون پولیس اہلکار سمیت کئی لوگ زخمی ہو گئے۔ تمام زخمی ہسپتال میں زیر علاج ہیں۔ ساتھ ہی جگدیو کو بانپور اسپتال میں داخل کرایا گیا ہے۔

واضح رہے کہ جگ دیو غیر اخلاقی رویے کی وجہ سے خبروں میں رہتے ہیں۔ جگ دیو کو گزشتہ سال ستمبر میں چلیکا جھیل کے قریب بی جے پی لیڈر کے ساتھ مبینہ طور پر حملہ کرنے کے الزام میں بی جے ڈی سے معطل کر دیے گئے تھے۔ اسے اس واقعے کے ایک ماہ بعد گرفتار کیا گیا تھا۔