بھوبنیشور: اوڈیشہ میں گزشتہ 24 گھنٹوں کے دوران کورونا وائرس (کووڈ۔ 19) کے 2957 نئے کیسز رپورٹ ہوئے ہیں جب کہ 38 متاثرہ افراد کی موت ہوئی ہے۔
محکمہ صحت اور خاندانی بہبود کے ذرائع نے منگل کے روز یہاں بتایا کہ گزشتہ 24 گھنٹوں کے دوران ، تمام 30 اضلاع کے کورنٹن مراکز سے 1968 معاملات رپورٹ ہوئے ہیں اور مقامی رابطہ کے 1259 نئے معاملات درج کیے گئے ہیں۔
ضلع کھوردھا میں سب سے زیادہ 408 ، کٹک میں 272 ، جاج پور میں 260 ، بالاسور میں 247 اور پوری میں 219 معاملات رپورٹ ہوئے ہیں۔ نئے کیسوں کی آمد کے ساتھ ہی ریاست میں متاثرہ افراد کی تعداد 8،83،490 ہوگئی ہے۔
مزید پڑھیں:دہلی میں کورونا کے نئے کیسز 100 سے بھی کم
اس عرصے کے دوران کورونا کے 38 مریضوں کی موت کی وجہ سے ، ریاست میں اس وبا کی وجہ سے اموات کی تعداد بڑھ کر 3،671 ہوگئی ہے۔ دریں اثنا ، ریاست میں 4،587 مریض صحت یاب ہوچکے ہیں ، جس کے بعد اس وبا کو شکست دینے والے افراد کی تعداد 8،44801 ہوگئی ہے۔
