بھارتیہ جنتا پارٹی کے ترجمان سمبت پاترا نے سوشل میڈیا پر ایک ویڈیو شیئر کیا ہت جس بابت عارف نسیم خان نے کہا کہ سمبت پاترا نے غلط اور ایڈیٹیڈ ویڈیو سے مجھے بدنام کرنے کی کوشش کی ہے۔
اس ضمن میں نسیم خان نے سمبت پاترا کو قانون کے مطابق جواب دینے کا اعادہ کرتے ہوئے اس کی شکایت ممبئی پولیس کمشنر، ساکی ناکہ پولیس اسٹیشن نیز الیکشن کمیشن سے کرنے کا اعلان کیا ہے۔
اس تعلق سے عارف نسیم خان نے کہا کہ 'دہلی اسمبلی انتخابات کی تشہیری مہم میں جب بی جے پی کو اپنی شکشت صاف طور پر نظر آنے لگی ہے تو اس نے حزب اختلاف کو بدنام کرنے کی کوششیں شروع کردی ہے۔
انہوں نے کہا کہ ایک پرانی اور ایڈیڈیٹ ویڈیو کی کسی بھی طرح کی تفتیش نہ کرتے ہوئے سمبت پاترا نے اپنے ٹویٹر اکاونٹ پر شیئر کی ہے جس کا واضح مقصد مجھے اور کانگریس پارٹی کو بدنام کرنا ہے
انہوں نے کہا کہ پاترا ہی نہیں بلکہ پوری بی جے پی کا مقصد ہے کہ کسی بھی طرح سماجی اتحاد کو تقصان پہنچایا جائے تا کہ اسے اس کا فائدہ ملے۔
سمبت پاترا کے ذریعے شیئر کردہ ویڈیو کے بارے میں نسیم خان نے کہا کہ 'یہ ویڈیو مہاراشٹر میں اسمبلی انتخابات کے دوران آر ایس ایس کے ایک کارکن نے سوشل میڈیا پر شیئر کرتے ہوئے مجھے اور کانگریس پارٹی کو بدنام کرنے کی کوشش کی تھی جس کی شکایت اُس وقت میں نے پولیس سے کی تھی اور پولیس نے یہ حرکت کرنے والے آر ایس ایس کارکن کے خلاف کارروائی بھی کی تھی۔
اُس وقت پولیس نے اس ویڈیو کی تفتیش کی بھی کی تھی جس میں یہ بات صاف طور پر سامنے آئی تھی کہ یہ ویڈیو ایڈیٹیڈ ہے اور اس میں کوئی سچائی نہیں ہے۔
ان سب کے باوجود بی جے پی نے ایک بار پھر اسی ویڈیو کی تشہیر شروع کی ہے، یہ اس بات کا ثبوت ہے کہ بی جے پی صرف اور صرف سماجی اتحاد کو پارہ پارہ کرنا چاہتی ہے اور نفرت پھیلانا چاہتی ہے۔
ووٹوں کے بٹوارے کے لیے اس کی اس طرح کی مذموم کوشش کے خلاف ہم نے ایک بار پھر ممبئی پولیس کمشنر اور ساکی ناکہ پولیس اسٹیشن نیز الیکشن کمیشن سے شکایت کی ہے، اور اس طرح کی حرکت کرنے والے سمبت پاترا کو ہم قانون کے مطابق جواب دیں گے۔
